Ein hail flwyddyn
Bu cynnydd aruthrol yn nifer gweithgareddau a digwyddiadau Wythnos Cymru yn Llundain o’i gymharu â’r llynedd, sy’n arddangos sut mae’r rhaglen i hybu a dathlu Cymru yn Llundain wedi gafael yn nychymyg cymaint o bobl a sefydliadau. Gyda oddeutu 81 o ddigwyddiadau a’n noddwyr / partneriaid yn cynyddu o 4 i 17, sefydlodd Wythnos Cymru yn Llundain ei le yn gyflym fel nodwedd flynyddol ar dirlun Llundain.
Roedd yr adborth gan y sawl a oedd yn bresennol yn y digwyddiadau a chan y trefnwyr digwyddiadau’u hunain yn ardderchog – ac nid oedd hyd yn oed y ‘Beast from the East’ wedi gallu diffodd yr angerdd Cymreig, er iddo wneud ei orau glas i wneud hynny!
Unwaith eto, roeddem yn ddiolchgar dros ben am holl gefnogaeth ein partneriaid a’n noddwyr, ac wrth ein bodd gyda’r brwdfrydedd, yr egni a’r cyfranogiad a gafwyd gan bob un y tu ôl i’r gweithgareddau a’r digwyddiadau. Enghraifft berffaith oedd o Dîm Cymru yn gweithio’n wych gyda’i gilydd a chynhyrchu rhywbeth a oedd yn llawer mwy effeithiol na chyfanswm y rhannau sydd ynddo.
