Canrif ar ôl i aelodau seneddol y Blaid Geidwadol ddisodli Lloyd George fel Prif-weinidog a thrwy hynny sefydlu’r Pwyllgor 1922, fe welwyd Prifweinidog carismatig arall yn cael ei ddisodli gan aelodau ei blaid ac unwaith eto mi oedd Cymro Cymraeg yng nghanol yr helbul.
Dewch i glywed rhagor am hyn o lygad y ffynnon gan Guto Harri, y darlledwr, ymgynghorydd cyfathrebu ac ysgrifennwr fu’n Gyfarwyddwr Cyfathrebu i Boris Johnson yn ystod 8 mis olaf ei brifweinidogaeth a’i Lefarydd a Chyfarwyddwr Materion Allanol tra’n Faer Llundain.
