Mi fydd Ben Rogers Jones, arwerthwr a phrisiwr gyda Rogers Jones Auctioneers, yn trafod ei brofiad o werthu paentiadau a phrintiau gan Kyffin. Bydd yn edrych ar y newidiadau yn y farchnad a rhai o’i uchafbwyntiau Kyffin ‘o’r rostrwm’, gan gynnwys y prisiau uchaf erioed am baentiad olew, gwaith ar bapur ac am brint.
Mae Ben wedi bod gyda Rogers Jones & Co er 2001, ac wedi datblygu ei fusnes teuluol, a sefydlwyd gan ei fam a’i dad, i fod y cwmni arwerthu celf gain mwyaf yng Nghymru, sydd bellach mewn sawl lleoliad, ac sydd yn llwyddo i gyrraedd y prisiau uchaf erioed yn rheolaidd. Mae’r farchnad am weithiau gan Syr Kyffin Williams wedi bod yn ffactor aruthrol bwysig yn nhyfiant a llwyddiant parhaus Rogers Jones & Co.
