Cewch glywed gan Lindy Hemming, cynllunydd gwisgoedd (Wonka, Wonder Woman, The Dark Knight) sydd wedi ennill Gwobr yr Academi, wrth iddi rannu hanesion am ei chrefft a'i gyrfa helaeth. Bydd y cyfarwyddwr/awdur Paul King (Wonka, Paddington) yn arwain y sesiwn.
Ymunwch â ni am dderbyniad diodydd a canapé cyn y digwyddiad rhwng 18.45 – 19.45 GMT.
Mae'r digwyddiad hwn yn rhan o Wythnos Cymru yn Llundain.
Ganed y cynllunydd gwisgoedd clodwiw Lindy Hemming yn Hwlffordd, Sir Benfro, ym 1948.
Hyfforddodd fel nyrs orthopedig gyda’r bwriad o ddod yn ffisiotherapydd, ond oherwydd cyfres anarferol o gyd-ddigwyddiadau, cafodd le i astudio yn yr Academi Frenhinol Celf Ddramatig yn Llundain.
Ar ôl graddio, dechreuodd weithio yn yr adran wisgoedd yn y theatr. Yn ystod ei blynyddoedd yn y theatr, gweithiodd ar lawer o ddramâu llwyddiannus gyda Michael Rudman, Mike Leigh, David Hare, Richard Eyre ac Alan Ayckbourn, ymhlith cyfarwyddwyr eraill.
Dros y deugain mlynedd ers hynny, mae Lindy wedi gweithio ym maes ffilm yn bennaf, mae ei chwmpas eang o genres, arddulliau a chyfnodau.
Mae Lindy wedi dylunio gwisgoedd ar gyfer llawer o ffilmiau, gan gynnwys: Four Weddings and a Funeral, Topsy Turvy, o Goldeneye hyd at Casino Royale, The Dark Knight Trilogy, Wonder Woman a Wonder Woman 1984, Paddington a Paddington 2 ac y llynedd, Wonka.
Ar wahân i’w gyrfa, mae gan Lindy ddau o blant y mae’n hynod falch ohonyn nhw, a’u holl deulu Hemming sy’n dal i fyw yng Nghymru.
