Ein chweched blwyddyn yn olynol!
Roedd cyffro gweladwy yn ystod Wythnos Cymru Llundain eleni; egni ac ysbryd a oedd yn wirioneddol amlwg, yn cael ei sbarduno, siwr o fod, gan ddiwedd cyfyngiadau Covid 19. Buom yn dyst i ewyllys gref, ar y cyd, i fynd ati i arddangos Cymru’n bersonol am y tro cyntaf ers ddwy flynedd – roedd, yn wirioneddol, yn bythefnos mor fwrlymus.
Roeddem wrth ein bodd hefyd i weld oddeutu 90 o weithgareddau a digwyddiadau yn digwydd ledled Llundain, gyda’i gilydd yn dathlu ein diwrnod cenedlaethol, ein treftadaeth a’n diwylliant, ac yn hybu Cymru fodern ledled y ddinas fyd-eang hon.
Mae cymaint o bobl a sefydliadau yn haeddu diolch mawr, pobl a gyfranodd gymaint, unwaith eto, i’r bythefnos; eu brwdfrydedd a’u hymdrechion parhaus yw’r hanfodion sydd yn sicrhau bod Wythnos Cymru Llundain yn esgor ar y fath momentwm, blwyddyn ar ôl blwyddyn.
