Croeso agoriadol – 20 Mawrth – 6yh – 9yh
Arddangosfa yn rhedeg tan 3 Ebrill – yn ddyddiol 10yb – 6yh
Arddangosfa celf gyfoes amserol a deinamig yw Household Name yn cynnwys wyth arlunwraig Gymreig a’u canolfannau yng Nghymru yn gweithio ym maes paent, cerfluniau, ffilm, ffotograffiaeth, testun a pherfformiad.
Yn amrywio o ymarferwyr o fri yn rhyngwladol i arlunwyr sydd ar ddangos, a phob un ohonyn nhw’n cynhyrchu celfweithiau beiddgar, arloesol, cyffrous a dymunol, mae Household Name yn cynnwys ymatebion uniongyrchol i’r teitl o gwestiynu’r gwleidyddol a’r gwyddonol, drwyddo i archwiliadau o’r lleoliad drwy ddewiniaeth, hunaniaeth rhyw a newid hinsawdd.
Bydd yr arddangosfa’n agor yn The Bomb Factory, Llundain, ac yna yn teithio i Elysium Gallery, Abertawe.
Mae dod yn enwog fel arlunydd yn dasg amhosibl i’r rhan fwyaf, eto mae enwau enwog yn frith yn y gymdeithas ac yn awgrymu enwogrwydd a drwg-enwogrwydd. Ond beth sy’n dilysu rhywun neu rywbeth i ddod yn un? Mae’r rhan fwyaf o’r arlunwyr enwog yn ac wedi bod bob amser yn ddynion, felly mae Household Name yn ceisio unioni nid yn unig yr anghydbwysedd hwn ond hefyd dan-gynrychiolaeth rhywedd mewn amgueddfeydd ac orielau. Bias y BBC, arweinyddion cwlt drwg-enwog, olion dynol yn y tŷ, syniadau canfyddedig aelodau teulu, argaeledd y rhiant, sy’n gweithio, i’w phlentyn, normau rhywedd a bod ar ddibyn methiant hinsawdd yw dim ond rhai o’r themâu a greffir gan Household Name.
Mae’r cerflunydd Laura Ford wedi arddangos yn eang ac mae ganddi gelfwaith mewn rhai o’r prif sefydliadau, gan gynnwys TATE, V&A a’r Amgueddfa Genedlaethol yng Nghaerdydd; mae Cherry Pickles yn dysgu yn y Royal Drawing School, Llundain, a hefyd wedi arddangos yn eang, yn fwyaf diweddar gyda Coombs Contemporary, a Kapil Jariwala; mae Rhabab Ghazoul, yn wreiddiol o Irac, yn trafod y gwleidyddol drwy berfformiad a sgwrs ac ef yw sefydlydd y sefydliad celfyddydau ystyriol cymdeithasol gentle/radical yng Nghaerdydd.
Mae Zoe Gingell yn gyfarwyddwr yn Cardiff MADE, a fu’n gyfrifol am hyrwyddo gyrfaoedd llawer o arlunwyr Cymreig yn nyddiau cynnar eu gyrfaoedd a’u canolfannau yng Nghymru, tra bod Zena Blackwell yn archwilio rôl llawn gofid rhiant ac enillodd y Wobr Gyntaf yn Cardiff MADE Open yn '17 a’r 3edd wobr eleni yn PS Mirabel's 'PAINT' (Manceinion).
Ar hyn o bryd mae gan Fern Thomas gymrodoriaeth wedi’i hategu gan The Freelands Foundation yn g39, Caerdydd, ac mae’n dderbynnydd 2019 o Jerwood Bursary; mae Adele Vye wedi ennill Arlunydd y Flwyddyn Cymru a gwobrwywyd hi â Gwobr Goffáu John Brookes am Gelfyddyd Cain; tra enillodd Raji Salan gwobr deithio BA wrth raddio ac mae wedi arddangos mewn nifer o arddangosfeydd, gan gynnwys y Jerwood Drawing Prize (dwywaith) ac y mwyaf diweddar yn y Galeri yng Nghaernarfon.
